Azərbaycan, Bakı, 7 mart /Trend, müxbir E.İsmayılov/
Mayda Bakı Metropoliteni yeni "Avtovağzal" stansiyasının tikintisi çərçivəsində tunel çəkilişinə başlamağı planlaşdırır. Bu barədə bazar ertəsi metropolitendəki mənbə deyib. Əvvəllər planlaşdırılmışdı ki, tunelin çəkilişinə martda başlanılsın.
"Hazırda tunel çəkilişi üçün qurğunun quraşdırılmasına görə kameranın tikintisi üzrə işlər aparılır. Tunelin çəkilişi maya planlaşdırılıb", - mənbə bildirib. Kameranının tikintisi alman mütəxəssisləri tərəfindən aparılır.
Tunelin çəkilişi Almaniyanın "Herrenknecht" şirkətinin istehsalı olan yeni avadanlıqdan istifadə etməklə həyata keçiriləcək. Tunel çəkilişi zamanı belə metoddan Azərbaycanda ilk dəfə istifadə olunacaq.
Bir müddət əvvəl metropolitendəki mənbənin məlumatına görə, "Memar Əcəmi-2"nin iki ilk stansiyası və "Avtovağzal"ın üçüncü qolunun tikintisi 2012-ci ilin sonlarında başa çatacaq.
Bakı metropoliteninin aldığı yeni qurğu vasitəsilə gündəlik qazma 25 metr təşkil edir ki, bu da yeni stansiyalar üçün tunellərin çəkiliş prosesini xeyli sürətləndirəcək.
Bakı Metropoliteni 1967-ci ildən fəaliyyət göstərir, 22 stansiyaya malikdir.
