PremiumAzərbaycanda idxaldan asılılığı azaltmaq üçün ötən il bir sıra kənd təsərrüfatı müəssisələri tikilib

Azərbaycan, Bakı, 10 mart /Trend, müxbir Ü.İsmayılova/

2010-cu ildə Azərbaycanda kənd təsərrüfatı məhsullarının emalı sahəsi 2,2 faiz artıb. Bu barədə hökumətin parlamentə təqdim etdiyi 2010-cu ilin yekunları üzrə hesabatında deyilir.

Müqayisəli cədvəldə 2010-cu ildə kənd təsərrüfatı məhsullarının istehsal həcmi göstərilib:

Hökumətin hesabatında deyilir ki, Azərbaycanda kənd təsərrüfatı məhsullarının idxalının minimuma endirilməsi məqsədilə ötən il Zaqatala rayonunda sutkalıq gücü 30 ton olan süd emalı zavodu, illik gücü 3,6 min ton olan tütün emalı zavodu, Lənkəran rayonunda saatda gücü 50,2 ton olan meyvə-tərəvəz konservi istehsalı zavodu, illik gücü 150 min ton olan çayın ilkin emalı zavodu tikilib. Bundan başqa, Biləsuvar rayonunda illik gücü 60 min ton olan meyvə-tərəvəz konservlərinin emalı zavodu, Cəlilabad rayonunda illik gücü 800 min dekalitr olan şərab istehsalı zavodu, Qəbələ, Salyan və Tovuz rayonlarında müvafiq olaraq gücü 500, 10 500 və 2 000 ton olan meyvə və tərəvəzin saxlanması üçün soyuducu kameralar tikilib.