Azərbaycan, Bakı, 17 mart/Trend, müxbir N.İsmayılova/
Azərbaycanın sığorta şirkəti "AzSığorta" ASC-nin aktivləri 2010-cu ildə fəaliyyət yekunları üzrə 18,935 milyon manat təşkil edib. Bu göstərici ilin əvvəlində 10,763 milyon manat olub. Bu barədə şirkətin cümə axşamı rəsmi mətbuatda dərc etdiyi hesabatında deyilir.
Bu müddət ərzində şirkətin uzunmüddətli aktivləri 2,334 milyon manat, qısamüddətli aktivləri isə 16,6 milyon manat təşkil edib.
Ötən il şirkətin depozitli hesabları 10,182 milyon manat, valyuta hesabları 655,782 min manat təşkil edib.
"AzSığorta" ASC-nin ödənilmiş nizamnamə kapitalı 2010-cu ildə 4,643 milyon manat, xalis gəliri 5,639 milyon manat, bölüşdürülməmiş gəlir 20,45 min manat səviyyəsində olub.
Ötən il şirkətin məcmu kapitalı 10,66 milyon manat təşkil edib.
Şirkətin uzunmüddətli öhdəlikləri 8,125 milyon manat, qısamüddətli 149,122 min manat, kapital və öhdəliklər ümumilikdə, 18,935 milyon manat təşkil edib.
Ötən ilin yekunları üzrə şirkətin gəlirləri 13,646 milyon manat, o cümlədən sığorta üzrə 15,249 milyon manat, təkrarsığorta üzrə 334,57 min manat təşkil edib. Şirkətin investisiya qoyuluşları üzrə gəlirləri 877,963 milyon manat olub. Bu müddət ərzində sığorta ehtiyatlarının dəyişdirilməsi 2,886 milyon manat azaldılıb.
2010-cu ildə şirkətin xərcləri 7,007 milyon manat, o cümlədən sığorta ödənişləri üzrə 1,378 milyon manat, təkrar sığorta ödənişləri üzrə 962,784 min manat təşkil edib.
2010-cu ildə şirkət 184,862 min manat məbəlğində mənfəət vergisi, ƏDV - 10,515 min manat, gəlir vergisi - 351,239 min manat, əmlak vergisi - 170,562 min manat, sosial sığorta və təminat vergisi 424,303 min manat, icbari ödənişlər (3 faiz) - 32,801 min manat, digər vergilər üzrə - 64,589 min manat ödəyib.
"AzSığorta" ölkənin sığorta bazarında 2006-cı ilin noyabrından fəaliyyət göstərir. Şirkət sığortanın 35 növü üzrə xidmət göstərir. Yanvar-fevralda şirkətin sığorat haqları 0,300 milyon manat ödənişlə 1,837 milyon manat təşkil edib.
