Azərbaycan, Bakı, 19 mart /Trend, müxbir Ü.İsmayılova/
Azərbaycanın "A-Qroup" sığorta şirkəti ayrıca həyat sığortası şirkətini yaratmağı planlaşdırmır. Bu barədə şənbə günü Trend-ə şirkətin idarə heyətini sədri Anar Bayramov bildirib.
"Şirkətimiz qeyri-həyat sığortası üzrə xidmətlər göstərir və həyat sığortası ilə məşğul olmaq planlarımıza daxil deyil", - Bayramov deyib.
Onun sözlərinə görə, hazırda şirkət bazarda fəaliyyət göstərən həyata sığortası şirkətləri ilə əməkdaşlıq edir.
"Biz ümumi və tibbi sığorta üzrə ixtisaslaşırıq", - Bayramov qeyd edib.
"A-Qroup" 1995-ci ildən sığorta bazarında fəaliyyət göstərir və müştərilərə sığortanın üç icbari, 14 könüllü növü üzrə xidmət edir. Yanvar-fevralda şirkətin sığorta haqları 3,312 milyon manat, ödənişləri isə 0,04 milyon manat təşkil edib. Bu gün şirkətin nizamnamə kapitalı 2,65 milyon manatdır.
Martın 19-na olan rəsmi məzənnə 0,7932 AZN/USD təşkil edir.