Azərbaycan, Bakı, 19 may /Trend, müxbir N.İsmayılova/
Azərbaycan bankı "Bank of Baku"nun balans mənfəəti aprel ayı ərzində 29,7 faiz artaraq mayın 1-nə 6,422 milyon manat təşkil edib. Bankın gəlirləri 20,704 milyon manat olub.
Aprel ayı ərzində bankın aktivləri 1,01 faiz artaraq mayın 1-nə 259,83 milyon manat təşkil edib.
Bankın depozit portfeli 1,3 faiz artaraq 197,44 milyon manat təşkil edib ki, bunun da 147,076 milyon manatı fiziki şəxslərin əmanətlərinin, 140,9 milyon manatı təcili depozitlərin payına düşüb.
Aprel ayının yekunları üzrə bankın kredit portfeli 202,5 milyon manat təşkil edərək bir faiz artıb. Mayın 1-nə kredit portfelində istehlak kreditlərinin payı 155,232 milyon manat, kommersiya kreditləri - 42,95 milyon manat olub.
Mayın 1-nə bankın məcmu kapitalı 44,533 milyon manat təşkil edib. Ödənilmiş nizamnamə kapitalı 12,852 milyon manata bərabər olub.
"Bank of Baku" 2005-ci ildə iki yerli özəl bankın - "Bank of Baku" ASC və "İlkBank" KB-nin birləşməsi nəticəsində yaranıb. Hazırda bankın səhmlərinin 40 faizi Türkiyənin NAB şirkətlər qrupuna, 10 faizi - Elçin İsayevə (bankın Müşahidə Şurasının sədri), 29 faizindən çoxu - "Azpetrol"a, 21 faizə yaxını fiziki şəxslərə və "Azinvest" şirkətinə məxsusdur.
Mayın 19-na olan rəsmi məzənnə 0,7903 AZN/USD təşkil edir.
