Azərbaycan, Bakı, 25 may /Trend/
Mayın 24-dən Koreya Birjasının Biznesin qlobal inkişafı departamentinin direktoru Honq-Hi Şinin başcılıq etdiyi nümayəndə heyəti Bakıda səfərdədir. Trend-in məlumatına görə, bu barədə Azərbaycanın Qiymətli Kağızlar üzrə Dövlət Komitəsinin İctimaiyyətlə əlaqələr şöbəsinin məlumatında deyilir. Koreya nümayəndə heyətinin səfəri mayın 27-dək davam edəcək.
"Səfərin məqsədi fond bazarlarında əməkdaşlıq istiqamətlərinin müzakirəsi, təcrübə və informasiya mübadiləsi, habelə qarşılıqlı investisiya imkanlarının müəyyən edilməsidir", - məlumatda deyilir.
Səfər çərçivəsində qonaqlar Qiymətli Kağızlar üzrə Dövlət Komitəsi, Bakı Fond Birjası və Milli Depozit Mərkəzində görüşlər keçirəcəklər.