...

Azərbaycanın Kənd Təsərrüfatı Nazirliyi tərkibindəki zəhərli maddələrin miqdarına görə qarpızları yoxlayır

Biznes və iqtisadiyyat xəbərləri Materials 21 İyun 2011 16:37 (UTC +04:00)

Trend-i buradan izləyin

Azərbaycan, Bakı, 21 iyun /Trend, müxbir A.Axundov/

Azərbaycanda bostan bitkilərinin, o cümlədən qarpızın yığımı başlayıb. Bununla əlaqədar onların tərkibindəki zəhərli maddələrin miqdarı yoxlanılır. Trend-in məlumatına görə, bu barədə çərşənbə axşamı jurnalistlərə Kənd Təsərürfatı Nazirliyi yanında Fitosanitar Nəzarət Xidmətinin rəhbəri Məmmədəli Dünyamalıyev bildirib.

"Əgər nitratların, pestisidlərin və digər zəhərli maddələrin miqdarı müəyyən edilmiş normanı üstələyərsə, onda belə qarpızlar istifadəyə yararsızdır. Fitosanitar Nəzarət Xidməti Səhiyyə Nazirliyi və digər müvafiq orqanlarla birgə reydlərin keçirilməsinə başlayıb", - Dünyamalıyev deyib.

Onun sözlərinə görə, həmçinin, mobil laboratoriyalar vasitəsilə bilavasitə sahələrdə yoxlamalar aparılır.

"Biz zərurət yaranacağı halda, fermerlərə gübrələrdən normadan artıq istifadə etdiklərini sübut etmək üçün mobil laboratoriyalardan istifadə edirik", - Dünyamalıyev əlavcə edib.

Onun sözlərinə görə, yoxlamalar əsasən Sabirabad, Saatlı və Ağsu rayonlarında aparılır.

"Yoxlamalar satış mərkəzlərində də həyata keçirilir. Bu il atrtıq istifadəyə yararsız qarpızların satışdan çıxarılması ilə bağlı hallar olub", - Dünyamalıyev deyib.

Xəbər lenti

Xəbər lenti