Azərbaycan, Bakı, 12 avqust /Trend, müxbir A.Axundov/
Avqustun 8-nə olan məlumata görə, Azərbaycanda kənd təsərrüfatı mallarının məhsuldarlığı hər hektardan 24,7 sentner təşkil edib. Bu göstərici 2010-cu ildə hər hektardan 19,9 sentner olub. Bu, 24,1 faiz artım deməkdir. Bu barədə Kənd Təsərrüfatı Nazirliyinin məlumatında deyilir.
Buğdanın məhsuldarlığı hər hektardan 25,1 sentner təşkil edir ki, bu da ötən ilin göstəricisini 26,1 faiz ötür.
Avqustun 8-nə olan məlumata görə, 925 631 hektar sahədən (il ərzində 0,6 faiz azalma) 2 287 951 ton kənd təsərrüfatı məhsulu yığılıb (23,7 faiz artım).
Ümumilikdə 933 606 hektar ərazidən məhsulun yığılması gözlənilir. Bu, ötən ilin göstəricisindən 0,5 faiz azdır. Buna uyğun olaraq, məhsul ümumi əkin sahəsinin 99,2 fazindən çoxunda yığılıb.
Hesabat dövrü ərzində 651 551 hektar buğda əkilən sahədən (il ərzində 0,6 faiz azalma) 1 635 385 ton (25,3 faiz artım) məhsul yığılıb. Son məlumatlara görə, əkilən buğda sahələrinin 99,6 faizi biçilib.
Yaz tarla işləri ölkədə iyunda başa çatıb.
İlin birinci yarısında Azərbaycanda kənd təsərrüfatı məhsullarının istehsalı ötən ilin müvafiq dövrü ilə müqayisədə 6,2 faiz artıb. Bundan başqa, bitkiçilik məhsulları 8,3 faiz, heyvandarlıq 4,8 faiz artıb. Bu barədə Dövlət Statistika Komitəsindən bildirilib.
