Azərbaycan, Bakı, 17 sentyabr /Trend, müxbir N.İsmayılova/
Sentyabrın birinə olan məlumata görə, "Texnika Bank"ın aktivləri avqustda 2,5 faiz artaraq 577,8 milyon manat təşkil edib. Trend-in məlumatına görə, bu barədə bankın rəsmi məlumatında deyilir.
Bankın kredit portfeli ay ərzində 12,6 faiz artaraq 406,13 milyon manata çatıb. Burada istehlak kreditlərinin payı 33,5 milyon manat təşkil edib. Depozit portfeli avqustda 2,4 faiz azalaraq 488,8 milyon manata çatıb.
İl ərzində bankın məcmu kapitalı ayın sonunda 100,5 milyon manat, nizamnamə kapitalı 64,8 milyon manat təşkil edib. Bankın gəliri avqustda 9,3 faiz artaraq 4,1 milyon manat təşkil edib. Sentyabrın 1-nə olan məlumata görə, bankın ümumi gəlirləri 37,8 milyon manat olub.
"Texnika Bank" bank bazarında 1993-cü ildən fəaliyyət göstərir və 2007-ci ilədək 100 faiz Azərbaycan bankı olub. Bu gün bankın majoritar səhmdarı kimi "World Wines" şirkəti çıxış edir. Şirkət bankın səhmlərinin 75 faizinə sahibdir. Bankın Müşahidə Şurasının sədri Etibar Əliyev səhmlərin 15 faizinə, ABŞ-ın "Kazimir Investment Caspian Fund" holdinqi isə səhmlərin 10 faizinə nəzarət edir.
Sentyabrın 17-nə olan rəsmi məzənnə 0,7867 AZN/USD təşkil edir.