...

Bakının kirayə mənzil bazarında nisbi canlanma müşahidə edilir

Biznes və iqtisadiyyat xəbərləri Materials 31 Oktyabr 2011 17:41

Trend-i buradan izləyin

Azərbaycan, Bakı, 31 oktyabr /Trend, müxbir A.Axundov/

Əvvəlki illərdə olduğu kimi, 2011-ci ilin payız aylarında Bakının kirayə mənzil bazarında nisbi canlanma müşahidə edilib. Bu barədə Trend-ə bazar ertəsi "MBA Group" konsaltinq şirkətinin baş direktoru Nüsrət İbrahimov deyib.

Onun sözlərinə görə, qiymətlər son iki ayda 6,8 faiz artaraq oktyabrın 1-də 647 dollardan 691 dollara çatıb. Bazarda əməliyyatların sayı 183-dən 277-yə yüksəlib.

"Əgər ötən ilin oktyabrında bir mənzilin orta aylıq qiyməti 670 dollar, yaxud bir kvadratmetrin qiyməti 12,4 dollar, ilin əvvəlində mənzilə görə 711 dollar, kvadratmetrə görə 9,7 dollar idisə, cari ilin oktyabr ayının əvvəlində qiymətlər mənzilə görə 691 dollara, kvadratmetrə görə isə 12,9 dollara düşüb", - İbrahimov bildirib.

Şəhərin birinci zonasında oktyabrda mənzilin orta aylıq qiyməti 1027 dollar, ikinci - 629, üçüncü - 345, dördüncü zonasında isə 217 dollar təşkil edib.

"Qiymətlərin artması ilə paralel olaraq, kirayə verilən mənzillərin orta sahəsi də artır. Sahələrin artmasının əsas səbəbi təkliflər strukturunda yeni tikililərin payının getdikcə artmasıdır", - İbrahimov deyib.

Son ildə bazarda bir kvadratmetrin kirayəsinin orta qiyməti 10,3 dollar təşkil edib. Bu isə kirayə kommersiya obyektlərinin orta aylıq göstəricisindən (ayda 18,9 dollar) təxminən iki dəfə aşağıdır.

Oktyabrda dördotaqlı mənzilin orta kirayə qiyməti 1524 dollar, üçotaqlı - 761, birotaqlı isə 370 dollar olub.

"Azərbaycanda işləyən xarici sahibkarlar kirayə mənzil bazarını tərk edərək şəxsi mənzil əldə ediblər. Kirayə mənzil bazarında ucuz və orta mənzillərə tələbat yüksək olaraq qalır", - İbrahimov deyib.

Xəbər lenti

Xəbər lenti