Azərbaycan, Bakı, 26 noyabr /Trend, müxbir N.İsmayılova /
Azərbaycan Dövlət Gömrük Komitəsi (DGK) yanvar-oktyabr ayları ərzində Azərbaycanın dünyanın 147 ölkəsi ilə apardığı xarici ticarət əməliyyatlarının yekununu açıqlayıb. Bu barədə Trend-ə DGK-dan məlumat verilib.
Ölkənin əmtəə dövriyyəsinin ümumi həcmi 29,77 milyard dollar təşkil edib ki, bu da ötən ilin göstrəricisindən 32,29 faiz çoxdur.
Xarici ticarət dövriyyəsində 14,51 milyard dollar həcmində müsbət saldo yaranıb.
Həmin dövr ərzində xarici ticarət əməliyyatlarında 7 410 hüquqi və fiziki şəxs fəaliyyət göstərib ki, onlardan 32 94-ü hüquqi, 3806-ı isə fiziki şəxsdir.
İlin on ayı ərzində ixrac əməliyyatları 22,14 milyard dollar təşkil edərək 2010-cu ilin analoji dövrü ilə müqayisədə 27,49 faiz artıb.
İxrac əməliyyatlarında dövlət sektorunun payı 21,12 milyard dollar, özəl sektorun payı 0,89 milyard dollar, fiziki şəxslərin payı isə 0,14 milyard dollar təşkil edib.
Yanvar-oktyabr ayları ərzində idxal 7,63 milyard dollar təşkil edib ki, bu da ötən ilin analoji dövr göstəricisi ilə müqayisədə 48,5 faiz çoxdur.
İdxal əməliyyatlarında dövlət sektorunun payı 2,71 milyard dollar, özəl sektorun payı 4,56 milyard dollar, fiziki şəxslərin payı isə 0,36 milyard dollar təşkil edib.
On ay ərzində Azərbaycandan 1950 növ məhsul ixrac edilib, ölkəyə isə 5970 növ məhsul gətirilib.
