...

Azərbaycan Nəqliyyat Nazirliyi AYİB-in kreditinin istifadə edilməsi üzrə planları açıqlayıb

Biznes və iqtisadiyyat xəbərləri Materials 27 Dekabr 2011 15:17 (UTC +04:00)

Trend-i buradan izləyin

Azərbaycan, Bakı, 27 dekabr /Trend, müxbir E.İsmayılov/

Avropa Yenidənqurma və İnkişaf Bankının (AYİB) Azərbaycanın yol infrastrukturunun inkişafına ayırdığı birinci tranşın vəsaitləri hesabına Mingəçevir-Bəhramtəpə avtomobil yolunun tamamilə yenidən qurulmasını həyata keçirmək mümkün olmayacaq. Bu barədə çərşənbə axşamı Trend-ə Nəqliyyat Nazirliyindəki mənbə deyib.

Dekabrın əvvəlində Azərbaycan hökuməti və AYİB bu layihənin həyata keçirilməsinə 750 milyon dolların verilməsi haqqında kredit sazişi imzalayıblar.

İmzalanmış kredit sazişi regional nəqliyyat dəhlizlərinə çıxmağı təmin etməyə imkan verən vacib magistral yolların yenidən qurulmasına birinci tranş çərçivəsində 250 milyon dolların ayrılmasını nəzərdə tutur. Qalan iki tranş da bərabər şəkildə ayrılacaq - hər birinə 250 milyon dollar.

Mənbənin sözlərinə görə, 250 milyon dollar yalnız Mingəçevir-Bəhramtəpə ikizolaqlı avtomobil yolunun bir hissəsini yenidən qurmağa kifayət edəcək.

"Yolun uzunluğunu və texniki vəziyyətini nəzərə almaqla, bu vəsaitlər onun tam yenidən qurulması üçün kifayət etməyəcək", - mənbə bildirib.

Onun sözlərinə görə, bu yol layihəsinin tam başa çatdırılması üçün ikinci tranşın bir hissəsi tələb olunur.

"Qalan vəsait, xüsusilə, kreditin üçüncü tranşı çərçivəsində çox güman ki, ölkənin regionlarında yol infrastrukturunun yaxşılaşdırılması və yenilənməsinə yönəldiləcək", - mənbə deyib.

AYİB-in ayırdığı birinci tranş tamamilə Mingəçevir-Bəhramtəpə avtomobil yolunun yenidən qurulmasına yönəldiləcək. Yolun 156 km-lik hissəsinin müasir tələblərə uyğun yenidən qurulması təxminən yarım milyon əhalinin yaşadığı kənd yerlərində nəqliyyat xətlərini təkmilləşdirməyə, eləcə də Bakı ilə Gürcüstan arasında magistrala çıxışa imkan verəcək.

Xəbər lenti

Xəbər lenti