Azərbaycan, Bakı, 15 fevral /Trend, müxbir A.Axundov/
BMT-nin Narkotiklərlə və Cinayətkarlıqla Mübarizə Ofisinin, Avstriya hökumətinin, Dələduzluqla mübarizə üzrə Avropa Ofisinin və digər maraqlı tərəflərin təşəbbüsü ilə yaradılan Beynəlxalq Antikorrupsiya Akademiyasının (BAKA) nümayəndə heyəti Azərbaycanda səfərdədir.
BAKA-nın keçid qrupunun rəhbəri Martin Kreutnerin başçılıq etdiyi nümayəndə heyəti çərşənbə axşamı vergilər naziri Fazil Məmmədov, baş prokuror Zakir Qaralov və ədliyyə naziri Fikrət Məmmədovla bir sıra görüşlər keçirib.
Bu gün nümayəndə heyəti "Azərbaycanda korrupsiyaya qarşı mübarizə: uğurlar və perspektivlər" mövzusunda Şamaxıda keçirilən konfransda iştirak edəcək.