Azərbaycan, Bakı, 30 aprel /Trend, müxbirlər İ.Xəlilova, A.Tağıyeva/
Çərşənbə axşamı İqtisadi Əməkdaşlıq Təşkilatının (ECO) İnkişaf və Ticarət Bankının (ECOBANK) prezidenti Hüseyn Qəzavinin Azərbaycana ilk səfəri başlayır. Bu barədə bazar ertəsi Trend-ə bankdan məlumat veriblər.
Qəzavinin qeyri-rəsmi səfəri üç gün davam edəcək. Bununla belə, bankda Qəzavinin səfəri çərçivəsində hansı məsələlərin müzakirə ediləcəyini dəqiqləşdirməyiblər.
Azərbaycan hökumətindən bazar ertəsi Trend-ə məlumat veriblər ki, bank ECOBANK-ın kapitalında üç faizlik iştirak payının Azərbaycana verilməsinə rəsmi razılığını bildirib və Qəzavinin Bakıya səfəri zamanı ölkənin bankın səhmdarları sırasına daxil olması məsələlərinin müzakirə edilməsi planlaşdırılır.
"İlkin mərhələdə Azərbaycan səhmdarlar sırasına üç faizlik iştirak payı ilə daxil olmağı təklif edib, gələcəkdə isə ECOBANK-ın kapitalının artması ilə ölkənin səhmdar payı genişlənə bilər, - hökumətindən deyiblər. - Azərbaycanın təklifi bank tərəfindən bəyənilib".
Azərbaycan bankın kapitalında öz payını ödəmək üçün 9,7 milyon SDR ayırmağı planlaşdırır (aprelin 30-na olan məzənnə 1,5500550 USD/SDR). Bu məqsədlərə ölkənin 2012-ci ilin dövlət büdcəsinə artıq 2,5 milyon manat qoyulub (təqribən 3,2 milyon dollar).
