Azərbaycan, Bakı, 30 iyun/Trend, müxbir A. Axundov/
Azərbaycan Dövlət Xəzər Dəniz Gəmiçiliyi (DXDG) ilin ilk yarısında yük daşımalarını ötən ilin analoji göstəricisi ilə müqayisədə 6 faiz artırıb. Trend-in məlumatına görə, bu barədə şənbə günü jurnalistlərə DXDG-nin rəhbəri Aydın Bəşirov deyib.
Onun sözlərinə görə, yanvar-iyun aylarında DXDG-nin gəmiləri 6,525 milyon ton yük daşıyıb. Onlardan 4,015 milyon tonu tanker ilə daşımaların, 2,015 milyon ton bərə, 0,495 milyon ton isə digər gəmilərin payına düşüb.
O bildirib ki, ümumilikdə bu il DXDG 12,5 milyon ton yük daşımağı planlaşdırır.