Azərbaycan, Bakı, 23 iyul /Trend, müxbir A.Tağıyeva/
Türkiyənin Dəmir Yolları İdarəsi özəlləşdiriləcək. Bu barədə Sinqapurda rəsmi səfərdə olan Türkiyənin iqtisadiyyat naziri Zəfər Çağlayan bəyan edib. Trend-in məlumatına görə, xəbəri bazar ertəsi "Sabah" qəzeti yayıb.
Onun sözlərinə görə, idarənin özəlləşdirilməsi üzrə müvafiq qanun layihəsi imzalanması üçün Nazirlər Şurasına təqdim olunacaq.
"Türkiyənin Dəmir Yolları İdarəsi aviaşirkətlər kimi özəlləşdiriləcək. Bu, dəmir yol nəqliyyatının keyfiyyətinin yaxşılaşmasına və iqtisadiyyatın stimullaşdırılmasına kömək edəcək", - Çağlayan bildirib.