Azərbaycan, Bakı, 19 sentyabr /Trend, müxbir A.Axundov/
Bu gün Azərbaycan və Gürcüstanın məqsədi ticarət dövriyyəsi və qarışılıqlı investisiyaların mövcud artım tempinin saxlanılmasıdır. Bu barədə çərşənbə günü Trend-ə Bakıda keçirilən MDB ölkələri və Gürcüstan (iCON) üzrə ilk mehmanxana investisiya konfransında iştirak edən Gürcüstanın iqtisadiyyat və davamlı inkişaf nazirinin birinci müavini İrakli Matkava bildirib.
"Qarşılıqlı investisiyalar üzrə dinamika artır. Son illər Azərbaycan Gürcüstanda iri investorların ilk beşliyində sabit olaraq qalır, bəzən isə ilk üçlükdə qərarlaşır", - Matkava qeyd edib.
Onun sözlərinə görə, Azərbaycan Respublikası Dövlət Neft Şirkəti (ARDNŞ) öz törəmə strukturları ilə Gürcüstanda iri vergi ödəyicisidir.
Nazir müavininin sözlərinə görə, iki ölkə arasında ticarət münasibətləri də genişlənir.
"Mallar qarşılıqlı olaraq bir ölkədən digərinə göndərilir ki, bu da çox vacibdir. Bu gün məqsəd mövcud templəri saxlamaq və meydana gələn çatışmazlıqları vaxtında aradan qaldırmaqdan ibarətdir", - Matkava vurğulayıb.
