"ABB-Gürcüstan" dördqat mənfəət artımı nümayiş etdirir
Azərbaycan, Bakı, 20 noyabr /Trend/
Azərbaycan Beynəlxalq Bankının (ABB) törəmə strukturu olan "ABB-Gürcüstan"ın aktivləri 2012-ci il oktyabr 1-nə 128,7 milyon lari təşkil edib ki, bu da ötən ilin müvafiq dövr göstəricisindən 28,13% çoxdur.
ABB-dən Trend-ə verilən məlumata görə, hesabat dövrü ərzində bankın kredit portfeli 71,3% artaraq 97,7 milyon lari təşkil edib.
Bankın məlumatına görə, müştərilərin sayının artması tendensiyası qorunub. Belə ki, bankın hüquqi və fiziki şəxs olan müştərilərinin sayı 2012-ci il oktyabrın 1-nə 1462 təşkil edib (il ərzində artım 37,5%). Bankın depozit portfeli 35% artaraq 89,2 milyon lari təşkil edib.
Bankın xalis mənfəəti ötən ilin müvafiq dövrünə nisbətdə 313 faiz artaraq 2012-ci il oktyabrın 1-nə 4,3 milyon lari səviyyəsində olub.
Cari il oktyabrın 1-nə bankın nizamnamə kapitalı 22,7 milyon lari təşkil edib.
