Azərbaycan, Bakı, 7 dekabr /Trend, müxbir A.Axundov/
Maliyyə Nazirliyi "İcbari sığortalar haqqında" qanuna dəyişikliklərlə bağlı qanun layihəsini Prezident Administrasiyasına artıq təqdim edib. Trend-in məlumatına görə, bu barədə cümə günü jurnalistlərə Maliyyə Nazirliyi yanında Dövlət Sığorta Nəzarəti Xidmətinin rəhbəri Namiq Xəlilov deyib.
Qanun layihəsi İcbari Sığorta Bürosunun tənzimlədiyi icbarı sığorta növlərinin siyahısına istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığortanın daxil edilməsini nəzərdə tutur.