Azərbaycan, Bakı, 11 dekabr /Trend, müxbir A.Axundov/
Beynəlxalq auditor şirkəti KPMG Azərbaycan bazarında ilk IPO-nu (birinci ictimai təklif) yaxın bir il - ilyarımda gözləyir. Bu barədə Bakıda çərşənbə axşamı KPMG-nin Azərbaycandakı icraçı tərəfdaşı Vuqar Əliyev "Bakıda və Londonda kapitalın cəlb edilməsi: yeni imkanlar" adlı seminarda çıxışı zamanı deyib.
"Azərbaycan iqtisadiyyatı dinamik inkişaf edir. Həm yerli, həm də xarici investorlar yeni bazarlar axtarırlar. Həm Azərbaycana investisiyaların cəlb edilməsi üçün, həm də ölkədən investisiyaların ixracı üçün yerli kapital bazarının inkişafı çox əhəmiyyətlidir", - Əliyev bildirib.
Onun sözlərinə görə, bankların kapitalına Azərbaycan Mərkəzi Bankı tərəfindən tələbin beşqat artımı səhmlərin açıq satışı üçün həm London Fond Birjasının köməyi ilə, həm də Bakı Fond Birjası vasitəsi ilə ölkəyə yeni imkanlar verir.
"IPO prosesində çox mərhələlər var. Bu prosesə hazırlıq əsas və çox əhəmiyyətlidir. Bu, IPO ilə məşğul olmağı arzu edən şirkətdə struktur dəyişikliklər tələb edir. Biz başlanğıc üçün bu prosesə yaxşı hazırlaşmalıyıq", - Əliyev deyib.
