Azərbaycan, Bakı, 17 yanvar /Trend, müxbir A.Axundov/
Azərbaycan assosiativ saziş çərçivəsində Avropa Komissiyası ilə danışıqlar prosesini bərpa edəcək. Bu barədə cümə axşamı Trend-ə Azərbaycan xarici işlər nazirinin müavini Mahmud Məmmədquliyev bildirib.
"Ötən il davam edən videokonfranslar tez bir zamanda bərpa ediləcək. Saziş layihəsində olan bütün məsələlər müzakirə edilir. Hələlik plenar iclasın keçirilməsinə zərurət görmürəm, lakin buna ehtiyac yaranarsa və Avropa İttifaqı (Aİ) xahiş edərsə, bu məsələni nəzərdən keçirəcəyik", - Məmmədquliyev qeyd edib.
Onun sözlərinə görə, Avropa Komissiyası ilə müzakirə edilməli olan çox ciddi məsələlər var.
"Azərbaycanı razı salacaq müvafiq formullar tapılmalıdır", - Məmmədquliyev bildirib.
