Azərbaycan, Bakı, 19 iyul /Trend, müxbir A.Axundov/
"Paşa Həyat Sığorta" şirkəti daşınmaz əmlaka vəsait yatırmağa başlaya bilər. Trend-in məlumatına görə, bu barədə cümə günü mətbuat konfransında şirkətin Risklərin idarə edilməsi şöbəsinin müdiri Pərviz Quliyev deyib.
Onun sözlərinə görə, hazırda şirkətin investisiya portfeli təqribən 20 milyon manat səviyyəsindədir: "Demək olar ki, bu vəsaitin hamısı bank depozitlərinə qoyulub. Bu onunla izah edilir ki, mövcud alət olduqca gəlirlidir və likvidlidir. Biz gələcəkdə daşınmaz əmlaka investisiya qoymaq barədə düşünməyə başlayacağıq".
Quliyev qeyd edib ki, yaxın 3 il ərzində bank depozitləri investisiya yatırmağın əsas aləti olaraq qalacaq.
