...

Dövlət Sığorta Nəzarəti Xidməti: Həyat sığortası şirkətlərinin yaradılması üzrə yeni təkliflər daxil olmur

Biznes və iqtisadiyyat xəbərləri Materials 25 İyul 2013 20:00 (UTC +04:00)

Azərbaycan, Bakı, 25 iyul /Trend, müxbir İ.Xəlilova/

Maliyyə Nazirliyi yanında Dövlət Sığorta Nəzarəti Xidmətində həyat sığortası şirkətlərinin yaradılması üzrə müraciətlər nəzərdən keçirilmir. Bu barədə Trend-ə Dövlət Sığorta Nəzarəti Xidmətinin rəhbəri Namiq Xəlilov bildirib.

Onun sözlərinə görə, sığorta şirkətləri daha əvvəl belə bir təşəbbüslə müraciət ediblər, lakin xeyli müddətdir belə təkliflər daxil olmur.

Xəlilov deyib: "Təcrübə göstərir ki, Azərbaycanda həyat sığortası şirkəti kifayət qədərdir, buna görə də bu növ üzrə sığorta etdirmək arzusunda olanlar sığortaçısız qalmayacaqlar".

O qeyd edib ki, üstəlik, həyat sığortası şirkəti yaratmaq olduqca məsrəfli biznesdir: "Bu fəaliyyət növü uzunmüddətli olduğuna görə gəlirlər də ortamüddətli və uzunmüddətli perspektivdə qazanılır".

Məqalədə:
Xəbər lenti

Xəbər lenti