Azərbaycan, Bakı, 2 avqust /Trend, müxbir A.Axundov/
Azərbaycan Mərkəzi Bankı (AMB) ilin I yarısında 1,3 milyard dollar həcmində valyutanın sterilləşdirilməsini həyata keçirib.
Trend-in məlumatına görə, bu barədə cümə günü mətbuat konfransında AMB-nin İdarə heyətinin sədr müavini Xaqani Abdullayev deyib.
Onun sözlərinə görə, ilin I yarısında manatın məzənnəsini təsdiq etmək üçün 1,3 milyard dollar həcmində valyuta aldıq: "Bu dövrdə valyuta bazarında təklif tələbi üstələyib ki, bu da ixracatın artması və tədiyyə balansının böyük profisitinin yaranması ilə əlaqədardır".
AMB ötən il valyutanın alınmasına 1,584 milyard dollar ayırıb.
