Azərbaycan, Bakı, 14 avqust /Trend, müxbir E. Əliyev/
İqtisadi İnkişaf Nazirliyi (İİN) Azərbaycanda 2020-ci ildə qeyri-neft sektorundan vergi daxilolmalarının üç dəfəyədək artacağını proqnozlaşdırır. Trend-in məlumatına görə, bu barədə çərşənbə günü Vergilər Nazirliyinin "Vergilər" qəzetində dərc olunan məqalədə bildirilir.
İqtisadi siyasət, təhlil və proqnozlaşdırma şöbəsinin müdiri Ədalət Muradovun sözlərinə görə, yaxın illərdə dövlət büdcəsi gəlirlərinin formalaşmaşının əsasən qeyri-neft sektorunun hesabına təmin edilməsi, büdcədə qeyri-neft-qaz vergi daxilolmalarının artırılması əsas hədəflərdən biridir.
Muradov vurğulayıb: "Bu və ya digər tədbirlər qeyri-neft sektorunda yüksək inkişaf meyilləri fonunda vergi bazasının daha da genişlənəcəyini şərtləndirir".
Onun sözlərinə görə, səmərəli vergi siyasətinin həyata keçirilməsi qeyri-neft sektorunun inkişafına müsbət təsir edən əsas amillərdən biridir.
