Azərbaycan, Bakı, 29 avqust /Trend, müxbir E. Əliyev/
Cari ilin yanvar-iyul aylarında Azərbaycan Gürcüstandan dəyəri 21,32 milyon dollar olan 288,54 min ton sement idxal edib. Trend-in məlumatına görə, bu barədə Gürcüstan Milli Statistika İdarəsinin saytında dərc olunan hesabatında bildirilir.
Hesabatda bildirilir ki, bu sahəsinin xüsusi çəkisi Gürcüstandan Azərbaycana edilən ümumi ixracın həcminin 5,37 faizini təşkil edib.
Ötən ilin analoji dövrü ilə müqayisədə Gürcüstandan idxal olunan sementin idxalı 19,49 faiz və ya 45,42 min ton artıb. Müqayisə üçün: 2012-ci ilin yanvar-iyul aylarında Gürcüstandan Azərbaycana 17,84 milyon dollar həcmində 243,12 min ton olan sement idxal edilib.
Hesabat dövründə, o cümlədən Gürcüstandan Azərbaycana polad armaturunun idxalında da artım müşahidə olunub. Belə ki, 2013-cü ilin yanvar-iyul aylarında Azərbaycana 20,04 milyon dollar dəyərində 32,64 min ton polad armatur idxal edilib ki, bu da ötən ilin yanvar-iyul aylarında qeydə alınan analoji göstəricidən 5,26 faiz çoxdur. Say nisbətində isə artım 15,89 faiz təşkil edib. Müqayisə üçün: 2012-ci ilin yanvar-iyul aylarında Gürcüstandan Azərbaycana 19,38 milyon dollar həcmində 28,17 min ton sement idxal edilib.
