Azərbaycan, Bakı, 13 sentyabr /Trend, müxbir A.Axundov/
Son 10 ildə Azərbaycanda pərakəndə ticarətin dövriyyəsi 3,1 dəfə artaraq 2012-ci ilin sonuna 18,24 milyard manata çatıb. Bu rəqəm 2013-cü ilin I yarısında 9,41 milyard manat təşkil edib. Bu barədə cümə günü Trend-ə Dövlət Statistika Komitəsindən məlumat veriblər.
Əhaliyə göstərilən ödənişli xidmətlərin həcmi 5,9 dəfə artaraq 2012-ci ildə 5,83 milyard manata, bu ilin yanvar-iyun aylarında isə 2,78 milyard manata çatıb.
Hesabat dövründə Azərbaycanın xarici ticarət dövriyyəsi 8,8 dəfə artaraq 2012-ci ildə 33,56 milyard dollar təşkil edib, xarici ticarət tərəfdaşlarının sayı isə 128-dən 155-ə çatıb.
