...

Son 10 ildə əhalinin Azərbaycan banklarında əmanətləri 24 dəfə artıb

Biznes və iqtisadiyyat xəbərləri Materials 17 Sentyabr 2013 16:34 (UTC +04:00)
2003-2013-cü illərdə əhalinin Azərbaycanın bank sisteminə qoyduğu əmanətlər 24 dəfə, verilən bank kreditlərinin həcmi isə 23 dəfə artıb.
Son 10 ildə əhalinin Azərbaycan banklarında əmanətləri 24 dəfə artıb

Azərbaycan, Bakı, 17 sentyabr /Trend, müxbir A.Axundov/

2003-2013-cü illərdə əhalinin Azərbaycanın bank sisteminə qoyduğu əmanətlər 24 dəfə, verilən bank kreditlərinin həcmi isə 23 dəfə artıb. Bu barədə çərşənbə axşamı Trend-ə Azərbaycan Mərkəzi Bankından (AMB) məlumat veriblər.

Məlumata görə, 2013-cü ilin yanvar-iyul aylarının yekunu üzrə bankların verdiyi kreditlər 14,2 milyard manat olub, ölkə banklarında fiziki şəxslərin əmanətlərinin həcmi isə 6,02 milyard manat təşkil edib.

AMB-dən deyiblər ki, son 10 ildə sektorun aktivləri 18 dəfə artıb: "2003-2012-ci illə ərzində sektorun maliyyə dərinliyi, yəni bank aktivlərinin qeyri-neft ÜDM-nə olan nisbəti 3,4 dəfə artaraq 67 faizə çatıb".

Mərkəzi Bankın məlumatına görə, 2013-cü il avqustun 1-nə olan vəziyyətə görə, ölkə banklarının aktivləri 18,7 milyard manat təşkil edib: "2003-2013-cü illərdə AMB-nin valyuta ehtiyatları 17 dəfə artıb və beynəlxalq kafilik meyarlarını 3 dəfə üstələyir".

2013-cü il iyulun sonuna AMB-nin sərəncamında olan valyuta ehtiyatlarının ümumi həcmi 12,88 milyard dollara çatıb.

Məqalədə:
Xəbər lenti

Xəbər lenti