Azərbaycan, Bakı, 24 oktyabr /Trend, müxbir E.Əliyev/
2013-cü ilin yanvar-sentyabr aylarında Azərbaycan və Gürcüstan arasında əmtəə dövriyyəsi 958,02 milyon dollar təşkil edib ki, bu da Gürcüstanın xarici ticarət dövriyyəsinin 12,6 faizini təşkil edir. Trend-in məlumatına görə, bu barədə Gürcüstan Milli Statistika İdarəsinin hesabatında deyilir.
İki ölkə arasında əmtəə dövriyyəsi ötən ilin analoji dövrü ilə müqayisədə 1,8 faiz artıb. Müqayisə üçün, 2012-ci ilin yanvar-sentyabr aylarında Azərbaycan və Gürcüstan arasında əmtəə dövriyyəsi 940,68 milyon dollar təşkil edib.
Azərbaycan Türkiyədən sonra Gürcüstanın ikinci ticarət tərəfdaşıdır. 2013-cü ilin yanvar-sentyabr aylarında Türkiyə və Gürcüstan arasında ticarət dövriyyəsi 1,08 milyard dollar (xüsusi çəki - 14,2 faiz) təşkil edib. Üçüncü yerdə isə 555,79 milyon dollar göstərici ilə Ukrayna qərarlaşıb.
