Azərbaycan, Bakı, 1 fevral /Trend, müxbir A.Axundov/
2013-cü ilin dekabrında Azərbaycan Mərkəzi Bankı yanında Maliyyə Monitorinqi Xidmətinə şübhəli və cari əməliyyatlar üzrə 41 100 məlumat daxil olub.
2012-ci ilin dekabrında bu rəqəm 25 566 məlumat olub. Trend-in məlumatına görə, bu barədə Xidmətin statistik hesabatında deyilir.
Hesabata əsasən, 2013-cü ildə Xidmətə 352 596 məlumat daxil olub. 2012-ci ildə bu göstərici 259 867 olub. 2012-ci illə müqayisədə ötən il məlumatların sayı 35,68 faiz artıb.
Qeyd edək ki, Maliyyə Monitorinqi Xidməti 2009-cu il fevralın 23-də yaradılıb.