Azərbaycan, Bakı, 1 aprel /Trend, müxbir E.Əliyev/
Azərbaycanda kapital qoyuluşlarının kreditləşdirilməsi üzrə orta çəkili nominal dərəcə 18 faiz təşkil edir. Trend-in məlumatına görə, bu barədə Gürcüstan Milli Bankının sifarişi əsasında KPMG beynəlxalq auditor şirkətinin apardığı faiz dərəcələri araşdırmasında deyilir.
Araşdırmada qeyd edilir ki, ölkədə belə kreditlər üzrə faktiki illik faiz dərəcəsi 19,6 faiz təşkil edir.
Gürcüstanda investisiya kreditləri üzrə faiz dərəcələri bir qədər aşağıdır - investisiya kreditləri üzrə nominal dərəcə 11, faktiki illik dərəcə isə 11,8 faiz təşkil edir.
Araşdırmada deyilir: "Bundan başqa, Gürcüstanda dövriyyə kapitalının kreditləşdirilməsi üzrə faiz dərəcələri regionda ən aşağılardan biridir. Belə ki, faktiki illik dərəcə 11,9 faiz olmaqla nominal dərəcə 11 faiz təşkil edir.
KPMG-nin məlumatına görə, Azərbaycanda belə kreditlər üzrə nominal və faktiki dərəcələr, müvafiq olaraq, 15,8 və 17,2 faiz təşkil edir.
