Azərbaycan, Bakı, 14 iyun /Trend, müxbir Z.Qurbanova/
İyunun 1-nə olan vəziyyətə görə, Azərbaycanda işsizlər qismində 36,9 min nəfər rəsmi qeydiyyatdan keçib ki, onlardan 40,8 faizi qadındır. Trend-in məlumatına görə, bu barədə Dövlət Statistika Komitəsinin hesabatında deyilir.
2014-cü ilin əvvəlindən ölkədə işsizlərin sayı cüzi artıb (bu il yanvarın birində işsiz kimi 36 206 nəfər qeydiyyata alınıb).
Hesabata əsasən, Azərbaycanda işsizliyə görə müavinətin orta məbləği 246,3 manat olub. Müavinətin məbləği il ərzində 8,3 faiz azalıb.
2014-cü il iyunun 1-nə işsizlərin və işsizliyə görə müavinət alanların ayrı-ayrı şəhər və rayonlar üzrə bölgüsü (nəfər):
|
İqtisadi rayonlar: |
İşsizlik statusu olanlar: |
Onlardan müavinət alanlar: |
|
Bakı |
13 814 |
813 |
|
Abşeron |
1 736 |
367 |
|
Gəncə-Qazax |
2 299 |
207 |
|
Şəki-Zaqatala |
1 072 |
98 |
|
Lənkəran |
1 030 |
73 |
|
Quba-Xaçmaz |
1 181 |
112 |
|
Aran |
10 064 |
429 |
|
Yuxarı Qarabağ |
3 301 |
113 |
|
Kəlbəcər-Laçın |
1 421 |
53 |
|
Dağlıq Şirvan |
949 |
41 |
|
Naxçıvan |
- |
- |
2014-cü il iyunun 1-nə olan vəziyyətə görə, daha çox sayda işsiz (13 814 nəfər və onlardan yalnız 813 nəfəri müavinət alır) Bakıda və Aran iqtisadi rayonunda (müvafiq olaraq 10 064 və 429 nəfər) qeydiyyata alınıb.
Hesabata görə, 2014-cü il iyunun əvvəlinə ölkənin əmək qabiliyyətli əhalisinin sayı 4784,2 min nəfər təşkil edib ki, bunların 4547,3 min nəfəri əmək fəaliyyəti ilə məşğul olub. 2014-cü ilin mayın 1-nə olan vəziyyətə görə, muzdla işləyənlərin sayı 1510,5 min nəfər olub. Muzdla çalışanların ümumi sayından 900,7 mini dövlət sektorunda, 609,8 min nəfəri isə özəl sektorda çalışıb.
Muzdla işləyənlərin 21,9 faizi istehsalat sahəsində çalışıb ki, bunun 6,6 faizi tikintidə, 6,2 faizi emal sənayesində, 2,9 faizi kənd və meşə təsərrüfatı, balıqçılıq sahəsində, 2,4 faizi hasilat, 2,1 faizi elektrik enerjisi, qaz sahəsində, 1,7 faizi su təchizatı, çirkab suların təmizlənməsi sahəsində çalışır.
Hesabatda deyildiyi kimi, xidmət sahəsinə gəlincə, bu sahədə çalışanların 22,7 faizi təhsil, 18,8 faizi topdan satış və pərakəndə ticarət, avtomobillərin, məişət avadanlıqlarıın təmiri, 8,7 faizi səhiyyə və sosial xidmətlər, 6,7 faizi dövlət idarəsi və müdafiə, sosial təminat, 5 faizi nəqliyyat və anbar təsərrüfatı, 3,8 faizi istirahət, əyləncə və incəsənət, 3,7 faizi peşə, elmi və texniki fəaliyyət, 2 faizi maliyyə və sığorta fəaliyyəti, 1,8 faizi informasiya və rabitə, 1,6 faizi inzibati və yardımçı xidmətlər, 1,4 faizi turistlərin yerləşdirilməsi və ictimai iaşə, 1,1 faizi digər sahələrdə, eləcə də 0,8 faizi daşınmaz əmlak əməliyyatlarında çalışır.
