...

"İstehlakçı hüquqlarının müdafiəsi prioritet vəzifəmizdir"

Biznes və iqtisadiyyat xəbərləri Materials 11 Noyabr 2015 18:16 (UTC +04:00)
“İstehlakçı hüquqlarının müdafiəsi prioritet vəzifəmizdir” mövzusunda seminar keçirilib.
"İstehlakçı hüquqlarının müdafiəsi prioritet vəzifəmizdir"

Trend-i buradan izləyin

Azərbaycan, Bakı, 11 noyabr /Trend/

İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti istehlakçıların maarifləndirilməsi istiqamətində tədbirlərini davam etdirir.

Nazirliyin mətbuat xidmətindən Trend-ə verilən məlumata görə, Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin təşkilatçılığı ilə noyabrın 11-də Azərbaycan Turizm və Menecment Universitetində "İstehlakçı hüquqlarının müdafiəsi prioritet vəzifəmizdir" mövzusunda növbəti seminar keçirilib.

Tədbirdə ali təhsil müəssisəsinin müəllim və tələbələri iştirak edib.

Seminar iştirakçılarına istehlakçıların hüquqlarının qorunması sahəsində qanunvericilik barədə məlumat verilib, istehlakçı hüquqlarının təmin olunmasında dövlət orqanları ilə istehlakçılar arasında əlaqələrin genişləndirilməsinin əhəmiyyəti diqqətə çatdırılıb.

Tədbir çərçivəsində iştirakçıların istehlakçı hüquqları ilə bağlı sualları cavablandırılıb, onlara istehlakçı hüquqlarına dair müxtəlif bukletlər və yaddaş kitabçaları paylanıb.

Məqalədə:
Xəbər lenti

Xəbər lenti