Təfərrüatlar əlavə olunub (ilk xəbər saat 13:23-də yayılıb)
Bakı. Ənvər Məmmədov - Trend:
Türkiyənin bəzi özəl şirkətləri Xəzər dənizində işə maraq göstərirlər. Trend-in məlumatına görə, bunu jurnalistlərə nəqliyyat naziri Ziya Məmmədov deyib.
Onun sözlərinə görə, Türkiyənin nəqliyyat şirkətləri Bakı-Aktau-Bakı və Bakı-Türkmənbaşı-Bakı marşrutları üzrə yükdaşımalarda maraqlıdırlar.
Z.Məmmədov qeyd edib ki, bu məsələ müzakirə mərhələsindədir: "Bununla belə, milli və biznes maraqlarını unutmaq olmaz. Türkiyə şirkətlərinin təklifləri Azərbaycanın maraqlarına uyğun gəlsə, onları reallaşdırmaq mümkün olacaq. Əks halda bu məsələ müzakirə edilməyəcək".