...

İlham Əliyev: Azərbaycanda qeyri-neft ixracı ilə bağlı atılmış addımlar öz gözəl nəticələrini verir

Biznes və iqtisadiyyat xəbərləri Materials 17 Aprel 2017 13:13 (UTC +04:00)
Azərbaycanda qeyri-neft ixracı ilə bağlı atılmış addımlar öz gözəl nəticələrini verir.
İlham Əliyev: Azərbaycanda qeyri-neft ixracı ilə bağlı atılmış addımlar öz gözəl nəticələrini verir

Bakı. Trend:

"Keçən il qəbul edilmiş qərarlar, qanunlar, imzaladığım fərman və sərəncamlar iqtisadiyyatımızı daha da şaxələndirmək üçün yaxşı imkanlar yaratdı. Xüsusilə qeyri-neft ixracı ilə bağlı atılmış addımlar artıq öz gözəl nəticələrini verməkdədir".

Bu fikirləri Prezident İlham Əliyev Yevlaxda qeyri-neft ixracatçılarının respublika müşavirəsində deyib.

Dövlətimizin başçısı qeyd edib: “Biz təşviq sistemini tətbiq etməyə başladıq. Mən əvvəlki illərdə də bu barədə demişdim. Çünki bir neçə ölkədə təşviq sistemi özünü doğrultmuş və ixracın sürətli artımına gətirib çıxarmışdır. Biz dünyada mövcud olan ən qabaqcıl təcrübəni öyrənmişik və Azərbaycanda investisiyanın və ixracın təşviqi sistemlərini tətbiq etməyə başlamışıq. Hər iki mexanizm işə salınıb və artıq uğurla icra edilir. Sahibkarlar bəlkə də ilk anlarda inanmırdılar ki, dövlət onlara bu güzəşti də edəcək. Bəzi hallarda buna təəccüb edirdilər. Ancaq indi görürlər ki, əgər o, ixracyönümlü məhsulu istehsal edirsə və onu dünya bazarlarına çıxarırsa, dövlət onun qiymətinin müəyyən faizini ona qaytarır. Yəni, bu, çox böyük stimul verən təşəbbüsdür. Sahibkar iqtisadi cəhətdən bundan həm əlavə qazanc əldə edir, eyni zamanda, hesab edirəm ki, bunun mənəvi cəhətdən də mənası var. Çünki sahibkarda inam artır, öz işini daha da böyük inamla qurur, ölkəmizə daha da böyük inamla sərmayə cəlb edir”.

İnvestisiya təşviqi mexanizminin işə salındığını, artıq qısa müddət ərzində investisiya təşviqi üzrə 130 sənəd verildiyini vurğulayan dövlətimizin başçısı əlavə edib ki, bu proqram çərçivəsində ölkə iqtisadiyyatına sahibkarlar tərəfindən 1 milyard 250 milyon manat həcmində sərmayə qoyulur və qoyulacaq.

Məqalədə:
Xəbər lenti

Xəbər lenti