Bakı. Azad Həsənli - Trend:
Küveytin “Jazeera Airways” aviaşirkəti iyunun 23-dən etibarən Bakıya birbaşa uçuşlar həyata keçirəcək.
Trend-in məlumatına görə, reyslər həftədə 2 dəfə - bazar ertəsi və cümə günləri həyata keçiriləcək.
Bundan başqa, Küveyt vətəndaşları üçün Azərbaycana viza almaq prosedurları sadələşdirilib. Bu ölkənin vətəndaşları ASAN Visa sistemi vasitəsilə onlayn rejimdə 3 gün ərzində viza ala bilər.
Qeyd edək ki, “Jazeera Airways” 2004-cü ildə yaradılıb və il ərzində 16 istiqamət üzrə 1,25 milyona yaxın sərnişinə xidmət göstərir.