...

Azərbaycan və BƏƏ işgüzar dairələrinin nümayəndələri iqtisadi əməkdaşlığı müzakirə edəcək

Biznes və iqtisadiyyat xəbərləri Materials 13 Sentyabr 2017 20:58 (UTC +04:00)
Bu il oktyabr ayının əvvəlində Azərbaycanın ixrac missiyası Birləşmiş Ərəb Əmirliklərinə səfər edəcək və bu ölkənin biznes-ictimaiyyəti ilə işgüzar danışıqlar aparacaq
Azərbaycan və BƏƏ işgüzar dairələrinin nümayəndələri iqtisadi əməkdaşlığı müzakirə edəcək

Bakı. Səba Ağayeva - Trend:

Bu il oktyabr ayının əvvəlində Azərbaycanın ixrac missiyası Birləşmiş Ərəb Əmirliklərinə (BƏƏ) səfər edəcək və bu ölkənin biznes-ictimaiyyəti ilə işgüzar danışıqlar aparacaq.

Bu barədə Trend-ə Azərbaycanın BƏƏ-dəki səfirliyindən məlumat verilib.

Səfər çərçivəsində BƏƏ-də “Made in Azerbaijan” milli brendinin tanıdılması məqsədilə Azərbaycan məhsullarının iri sərgisini təşkil etmək nəzərdə tutulur.

Missiyanın əsas məqsədi ixrac coğrafiyasının, eləcə də ixrac portfelinin genişləndirilməsidir.

Qeyd edək ki, ilin əvvəlindən Azərbaycan Qətər, Qazaxıstan, Almaniya, Əfqanıstan və Pakistana ixrac missiyaları yollayıb.

Məqalədə:
Xəbər lenti

Xəbər lenti