Bakı. Ənvər Məmmədov - Trend:
Verner Lipax Asiya İnkişaf Bankının Mərkəzi Asiya və Qərbi Asiya üzrə yeni baş direktor təyin olunub. Trend-in məlumatına görə, o, bu vəzifədə Şon O Sallivanı əvəz edib.
V.Lipax bu vəzifəyə təyin olunmamışdan öncə region üzrə baş direktorun müavini və baş müşavir vəzifəsində çalışıb. 2011-2017-ci illərdə isə Asiya İnkişaf Bankının Pakistanda direktoru vəzifəsində çalışıb.
Qeyd edək ki, Asiya İnkişaf Bankı 1966-cı ildə təsis olunub, 67 ölkə bu bankın üzvüdür.