Tehran. Azad Həsənli, Kamyar İqbalnejad - Trend:
Yaxın vaxtlarda "Şimal-Cənub" beynəlxalq nəqliyyat dəhlizi çərçivəsində İran Astarasında terminal kompleksinin birinci fazasının açılışı planlaşdırılır, bütün kompleks isə 2018-ci ilin sonunadək istifadəyə veriləcək.
Trend-in məlumatına görə, bu barədə Tehranda səfərdə olan Azərbaycanın iqtisadiyyat naziri Şahin Mustafayev deyib.
Nazir bildirib ki, "Şimal-Cənub" beynəlxalq nəqliyyat dəhlizi layihəsi İran və Azərbaycan arasında reallaşdırılan ən uğurlu layihələrdən biridir:
"Azərbaycan tərəfi öz ərazisində Şimal-Cənub layihəsi çərçivəsində bütün işləri başa çatdırıb. Artıq ilk yük "Şimal-Cənub" marşrutu üzrə nəql olunur".