...

Azərbaycanda yeni tanker suya buraxılıb (FOTO)

Biznes və iqtisadiyyat xəbərləri Materials 21 Fevral 2019 13:06 (UTC +04:00)
2019-cu ilin iyununda Azərbaycanda yeni “Laçın” neft tankeri istifadəyə veriləcək
Azərbaycanda yeni tanker suya buraxılıb (FOTO)

Trend-i buradan izləyin

Bakı. Azad Həsənli, Zaur Mustafayev - Trend:

2019-cu ilin iyununda Azərbaycanda yeni “Laçın” neft tankeri istifadəyə veriləcək.

Trend-in məlumatına görə, bu gün Bakı Gəmiqayırma Zavodundan tankerin suya salınma mərasimi keçirilib.

Tədbirdə iqtisadiyyat naziri Şahin Mustafayev, Azərbaycan Dövlət Neft Şirkətinin (SOCAR) iqtisadi məsələlər üzrə vitse-prezidenti Süleyman Qasımov, Dövlət Dəniz Agentliyinin direktoru Qüdrət Qurbanov və “Azərbaycan Xəzər Dəniz Gəmiçiliyi” QSC-nin sədri Rauf Vəliyev, “Bakı Gəmiqayırma Zavodu” MMC-nin icraçı direktoru İmanverdi Həsənov iştirak ediblər.

Hazırda tankerin korpusunun tikintisi tam başa çatıb.

Tankerin uzunluğu 141 metr, eni 16,9 metr, hündürlüyü isə 6 metrdir. Dedveyti dənizdə 7 884 ton və çayda 5 455 ton təşkil edir. Tanker saatda 10 dəniz düyünü sürətlə hərəkət edir. Gəmi ümumi tutumu 9 190 kubmetr olan altı yük tankına malikdir. Tankerin layihəsini Odessa Dəniz Mühəndisliyi Bürosu hazırlayıb.

Məqalədə:
Xəbər lenti

Xəbər lenti