Bakı. Orxan Nəbiyev - Trend:
2021-ci ilin yanvar-fevral aylarında Türkiyədən Azərbaycana dənli və paxlalı bitkilərin ixracı 2020-ci ilin eyni dövrü ilə müqayisədə 20 faiz artaraq 18,423 milyon dollar təşkil edib.
Bu barədə Trend-ə Türkiyə Ticarət Nazirliyindən bildiriblər.
Fevral ayında Türkiyədən Azərbaycana dənli və paxlalı bitkilərin ixracı 2020-ci ilin fevralı ilə müqayisədə 16 faiz artıb və 10,575 milyon dollara bərabər olub.
Yanvar-fevral aylarında Türkiyənin dünya bazarlarına dənli və paxlalı bitki ixracı 2020-ci ilin eyni dövrü ilə müqayisədə 5,4 faiz artaraq 1,24 milyard dollar təşkil edib.
Son 12 ay ərzində (fevral 2020 - fevral 2021) Türkiyə 7,357 milyard dollar məbləğində dənli və paxlalı bitki ixrac edib.