Bakı. Zeyni Cəfərov - Trend:
Avropa Yenidənqurma və İnkişaf Bankı (AYİB) 2021-ci ildə Azərbaycanda ümumi daxili məhsulun artım tempinin 2 faiz təşkil edəcəyini proqnozlaşdırır.
Trend bu barədə AYİB-in "Regional Economic Prospects" iyun hesabatına istinadən məlumat verir.
Bundan əvvəlki hesabatda da ÜDM-in 2021-ci ildə 2 faiz artacağı proqnozlaşdırılırdı.
Hesabata əsasən, 2022-ci ildə isə Azərbaycan iqtisadiyyatının artım tempi 2,5 faizə bərabər olacaq.
Qeyd olunur ki, Azərbaycan iqtisadiyyatının mərhələli bərpası əsasən qeyri-neft sektorunun hesabına qeydə alınır.
(Tərcümə: Orxan Nəbiyev)