Bakı. Trend:
Teslanın səhmləri bahalaşmağa davam edir.
Trend xəbər verirki, artım şirkətin baş icraçı direktoru İlon Mask tərəfindən son bir neçə gündə təxminən 5 milyard dollarlıq səhm satıldığı aşkar olunduqdan sonra başlayıb.
Elektrikli avtomobil istehsalçısının səhmləri 0,6% artaraq 1 074,80 dollar olub.
Mask 2016-cı ildən etibarən ilk dəfə Teslanın səhmlərini satıb. Onun təxminən 281 milyard dollarlıq sərvətinin böyük hissəsini şirkətdəki pay təşkil edir. Xatırladaq ki, bir neçə gün əvvəl Mask Twitter istifadəçilərinə Teslanın səhmlərinin 10%-nin satmaqla bağlı sual ünvanlamışdı.