Bakı.Trend:
"Anglo Asian Mining" şirkəti 2025-ci ildə Azərbaycan hökumətinin payı da daxil olmaqla ümumilikdə 24 348 unsiya gümüş istehsal edib.
Trend bu barədə şirkətə istinadən məlumat verir.
Rüblük dinamika il ərzində davamlı azalma nümayiş etdirib. Belə ki, 2025-ci il martın 31-də başa çatan birinci rübdə istehsal 8 206 unsiya təşkil edib, ikinci rübdə 6 699 unsiyaya, üçüncü rübdə isə 4 655 unsiyaya qədər azalıb. Dördüncü rübdə isə cüzi dirçəlmə qeydə alınaraq istehsal 4 788 unsiyaya çatıb.
Eyni zamanda, 2025-ci il üzrə qızıl istehsalı 25 061 unsiya təşkil edib ki, bu da 2024-cü ildə qeydə alınmış 15 073 unsiya ilə müqayisədə 9 988 unsiya çoxdur.
2025-ci ildə mis istehsalı ötən ildəki 377 tonla müqayisədə 4 787 tona çatıb və nəticədə 4 410 ton artım qeydə alınıb.
2025-ci ildə qızıl və mis hasilatındakı artım 2024-cü illə müqayisədə “Gilar” yatağında istehsalın başlaması ilə əlaqələndirilib.
