Azərbaycanlılardan ibarət işçi qrupu Qars-Axalkalaki-Tbilisi-Bakı dəmir yolunun inşası layihəsi ilə bağlı müzakirələrdə iştirak etmək üçün avqustun 21-də Türkiyəyə yola düşəcək. Bu barədə Trend ə Azərbaycan Dövlət Dəmiryol İdarəsindən məlumat verilib.
Türkiyə və Gürücüstandan ekspertlərin də iştirak edəcəyi görüş avqustun 22-23-də İstambulda keçiriləcək.
Layihə-kəşfiyyat, texniki-iqtisadi, marketinq tədqiqatları, tərəflərin layihəni maliyyələşdirməsi, dəmir yolunun inşasında maraqlı olanların və investorların maliyyə vəsaitlərinin cəlb olunması, tikinti üzrə BM-in (SC və ya konsorsium) yaradılması, yeni dəmir yol xəttinin birgə istismara verilməsi iclasın gündəliyində duran əsas məsələlərdir.