Azərbaycanın Maliyyə Nazirliyi dövlət qısamüddətli istiqrazların onuncu emissiyasının yerləşdirilməsi üzrə hərrac keçirib. Bakı Fond Birjasından Trend ə verilən məlumata görə, hərraca 10101108S dövlət qeydiyyat nömrəli DQİ çıxarılıb. Emissiyanın ümumi həcmi 31 mlrd manat, dövriyyə müddəti isə 31 gün təşkil edib. Onun ödənilmə tarixi 2005-ci il sentyabrın 23-nə təyin olunub.
Səkkiz investor tərəfindən 99,16% (gəlirlilik 10,66%) -99,19% (10,27%) qiymət diapazonunda 26 895 mln manat məbləğində ərizələr verilib. Qeyri-rəqabət xarakterli ərizələrin həcmi nominal üzrə 3 021 mln manat təşkil edib. Kəsilmə qiyməti 99,16% (10,66%), orta qiymət isə 99,16% (10,66%) müəyyən edilib.
Beləliklə, cari ildə MN 310 mlrd manat həcmində DQİ buraxıb ki, bu da qiymətli kağızlar üzrə Dövlət Komitəsində qeydiyyata alınmış DQİ-nin həcminin (400 mlrd manat) 77,5%-ni təşkil edib. MN isə 131,044 mlrd manat və ya buraxılmış DQİ-nin (onuncu emissiya da daxil olmaqla) ümumi həcminin 42,27%-ni yerləşdirib.