İki ay ərzində İxrac və İnvestisiyalarıvn Təşviqi Fondu (İİTF) Azərbaycanda Azad İqtisadi Zonaların (AİZ) yaradılmasının konsepsiyasını, perspektivlərini və hazırki iqtisadi vəziyyətini özündə əks etdirən hesabatı hazırlayacaq. Fondun rəhbəri Emil Məcidovun Trend ə verdiyi məlumata görə , hesabat Türkiyənin Ticarət Nazirliyinin ekspertləri üçün tərtib olunur.
Onun tərtibatı ilə bağlı işlərin başa çatdırılmasından sonra hesabat nəzərdən keçirilmək üçün bu layihənin ölkədə həyata keçirilməsinə yardım edəcək ekspertlərə təqdim olunacaq.
Qeyd edək ki, cari ilin avqustunda Fondun nümayəndələri Türkiyənin ikisi İzmirdə, digərləri isə İstanbulda və Antalyada fəaliyyət göstərən 4 ATZ-da olublar. "Biz dəri, ticarət-sənaye, dövlət ATZ-da, eləcə də duty-free-də olduq", - deyə E.Məcidov bildirib.
