Azərbaycanda taxıl terminalının tikintisinin vaxtı layihənin işlənməsi ilə bağlı bir sıra işlər üzündən 2006-cı ilə keçirilib. Qazaxıstanın Azərbaycandakı səfirliyindən Trend ə verilən məlumata görə, hələlik 15 min taxıl üçün nəzərdə tutulan terminalın tikiləcəyi yer dəqiq müəyyən edilməyib.
Taxıl terminalının tikintisinin texniki-iqtisadi əsasları üzərində işləri hər iki tərəf həyata keçirir.
İki ölkənin iştirakı ilə birgə müəssisənin yaradılması ilə bağlı ideya mövcuddur və layihənin işlənməsi terminalın konkret olaraq yerləşəcəyi yerdən - Bakı limanı və ya ondan kənarda tikilməsindən asılıdır.
2004-cü ildə Azərbaycan Qazaxıstandan 500 min ton taxıl idxal edib və səfirlikdə birgə terminalın iki ölkə arasında əməkdaşlığını genişləndiriləcəyinə və alış-verişin səmərəliliyinin artmasına xidmət edəcəyini hesab edirlər.
Bakıda Qazaxıstandan alınan taxılın qəbulu və daşınması üçün taxıl terminalının tikintisi barədə qərar 2005-ci ilin mayında Azərbaycan-Qazaxıstan hökumətlərarası komissiyasının Bakıda keçirilən iclasının gedişində qəbul edilib.