Hesablama Palatasına (HP) Azərbaycanın Maliyyə Nazirliyinə "Azərenerji" SC-də aparılan birgə yoxlamaların yekunları üzrə hesabat hazırlaması üçün bir aya yaxın vaxt tələb olunur. HP-dan Trend ə verilən məlumata görə, yoxlamalar faktiki olaraq başa çatıb və hazırda müvafiq aktın tərtibatı üzrə işlər hazırlanır.
"Ehtimallara görə, "Azərenerji" üzrə hesabata dekabrın ortalarında keçiriləcək kollegiyanın iclasında baxılacaq ", - deyə HP-dan bildirilib.
Auditorlar "Azərenerji" Səhmdar Cəmiyyətinin "Yenikənd Su Elektrik Stansiyasının Tikintisi" layihəsinin reallaşdırılması üçün ayrılan vəsaitdən məqsədəyönlü istifadə ilə bağlı yoxlamalar aparıb. Yoxlamalar aprelin 19-dan aparılmağa başlayıb və 1 ay ərzində aparılması planlaşdırılsa da, sonradan bu müddət 4 dəfə uzandı.