Texnika Leasing-in təsisçiləri nizamnamə kapitalını 1 milyon dollaradək çatdırmaq barədə qərar qəbul ediblər. Bu barədə Trend ə Texnikabankın İdarə Heyətinin müavini Xaqani Quluzadə məlumat verib. Fəaliyyətə başlayandan onun kapitalı $100 min dollar səviyyəsində formalaşıb. Texnika Leasing şirkəti Texnikabank tərəfindən 2005-ci ilin ikinci yarısında yaradılıb.
Bu gün şirkətin lizinq portfeli $250 min təşkil edir ki, bunun da hesabına istehsal avadanlıqları, nəqliyyat vasitələri üçün lizinqin əldə olunması sahəsində layihələr maliyyələşdirilir. X.Quluzadənin sözlərinə görə, hazırda ümumi məbləği $400 min olan nəqliyyat vasitələrinin və inşaat materiallarının (beton qarışdırıcılar) əldə olunması üzrə layihə başa çatma mərhələsindədir.
Şirkət Azərbaycanda lizinqin inkişafı üzrə Beynəlxalq Maliyyə Korporasiyasının proqramı çərçivəsində texniki yardım alır. Ötən il BMK və Texnika Leasing arasında əməkdaşlıq barədə protokol imzalanıb.